دەتوانیت بە ئەنجامدانی ئەم چوار هەنگاوە پێستت لە گەورەبوونی کونیلەکانی بپارێزیت.

هەنگاوی یەکەم:- پاککردنەوە

*-ماسکی قوڕی هندی(قوڕی بورکانی)

یەک کەوچکی بچووک قوڕ + یەک کەوچکی بچووک ئاو، هەردوو پێکهاتەکە تێکەڵ بکە و پاشان لەسەر روخسارت دایبنێ، کە وشک بووەوە تەنیا بە ئاو بیشۆ٠

هەنگاوی دووەم:- تۆنەر

*-چای سەوز

نیو کوپ ئاوی گەرم + دوو کەوچک چای سەوز، هەردوو پێکهاتەکە تێکەڵ بکەو چاوەڕێ بکە تا چایەکە رەنگ دەداتەوە، دواتر پارچە لۆکەیەک بهێنە و بیکە بە چەند تۆپێکی بچووک، لەناو گیراوەکەدا دایبنێ تا بەباشی چایەکە هەڵدەمژن، پاشان لۆکەکان بخەرە ناو بەفرگر تا سارد دەبێت، ئینجا بە لۆکە ساردەکان ڕوخسارت خاوێن بکەرەوە٠

هەنگاوی سێیەم:- شێدارکردنەوەی پێست

*-جێڵی ئەلۆڤێرا

یەک کەوچکی بچووک جێڵی ئەلۆڤێرا بدە لە ڕوخسارت وەک شێدارکەرەوە٠

هەنگاوی چوارەم:- دژە خۆر

*پێش چوونە دەرەوەت، دژە خۆری بێ چەوری لە روخسارت بدە.