لە مانگی ڕەمەزاندا وەك كابانێك، كە زیاتر خەریكی ماڵ و خواردن دەبیت، هەندێك جار خۆت فەرامۆش دەكەیت، بەتایبەت زیاتر قژت، هەر بۆیە پسپۆڕانی بواری قژ و ئارایشت چەند ئامۆژگارییەك بە خانمان دەدەن و دەڵێن: «بەهۆی ئەوەی لەو مانگەدا بەرۆژوو دەبیت و تەواوی هۆرمۆن و ئەندامانی جەستە وشكبوونیان پێوە دیار دەبێت، قژیش كە بەشێكی زۆر خۆراك و ئاو لە جەستە وەردەگرێت، بەو پێیەی ماددەی میلانینی نێو پێكهاتەی قژ پێویستی بەردەوامی بە گەشەكردنە، بۆیە وشكی و لاوازیی پێوە دیار دەبێت». بۆ ئەو مەبەستە پسپۆڕان ئامۆژگاری دەكەن كە ئەگەر نیازت وایە قژت ببڕیت، ئەوە لەو مانگەدا دەرفەتێكی باشە تاوەكو نزیكبوونەوە لە جەژن قژت ڕێك دەكەوێتەوە و شیك دەبێت، هەروەها بەهۆی ئەوەی لەو ماوەیەدا لەچك دەكەیت و سەرپۆش لەسەر دەكەیت، ئەگەر قژیشت ببڕیت یان گرنگیی پێ نەدەیت، هێندە دیار نابێت، بەڵام گرنگە بۆ كاتی جەژن ئارایشتێكی ڕێك و سیشوار و هایلات و كرێم و كریاتینی بكەیتەوە. بۆ ئەوانەی قژیان ناوەندە واتە نە زۆر درێژە و نە كورتە، هێندە كێشەیان نابێت، بەڵام ئەوانەی قژیان درێژە و تووشی بێهێزی و سووتان بووە، یان هەڵدەوەرێت، دەتوانن لە سەرەتای ئەو مانگەدا ئەو بڕە ببڕین كە زیانی پێ گەیشتووە، وەك خانمێك هەوڵ بدە ئەو شێوە قژبڕینە هەڵبژێریت كە لەگەڵ ڕوخسار و شێوەت دەگونجێت، ئەگەر نا جیاوازیی نێوانیان جوانیت دەشێوێنێت، بەهۆی ئەوەی تەواوی جەستەت لەو مانگەدا وشبوونەوەی پێوە دیار دەبێت، بۆیە وا چاكە هەفتانە دوو جار قژت بشۆیت تاوەكو زیاتر وشك نەبێت.