بەڕێوەبەرایەتی گشتی نەهێشتنی ماددە هۆشبەرەکان ئاشکرایکرد کە لە هەولێر دوو تۆمەتباریان بە بڕێک ماددەی هۆشبەرەوە دەستگیرکرد.

بەپێی راگەیاندراوێکی بەڕێوەبەرایەتی گشتی نەهێشتنی ماددە هۆشبەرەکان کە کۆپییەکی بە (باسنیوز) گەیشتووە و تێیدا هاتووە: "ئەمڕۆ ڕێکەوتی ٢٧ی١٠ی٢٠٢٠، لەچالاکییەکدا لەلایەن هێزەکانی بەڕێوەبەرایەتی گشتی نەهێشتنی ماددە هۆشبەرەکان لە شاری هەولێر توانرا دوو تۆمەتبار دەستگیربکرێت بەناوەکانی (ب ـ س ـ ح) و (س ـ أ ـ م) کە بڕی (۲٤٤) غرام کریستاڵ ـ (۲٠٠) غرام هێرۆین ـ (۳۳) غرام جامایکا ـ (۲٠) غرام حەشیش و (۲٠) دەنك حەبی هۆشبەری سۆمادرین تەرازوویەکی کێشانی ماددەی هۆشبەریان لابوو".

ئەوەش خراوەتە روو، کە ئەو تۆمەتبارانە جگە لەم بڕە ماددە هۆشبەرە دوو دەمانچە و یەك غەدارەیان لەدەست گیرا.

















باسنيوز