بەمەبەستی پێشگری لە بڵاوبوونەوەی ڤایرۆسی کۆرۆنا، ئەمڕۆ یەکشەممە بەڕێوەبەرایەتیی گشتیی تەندروستیی هەولێر، هەڵمەتێکی نیشتمانیی بەرەنگاربوونەوەی ڤایرۆسی کۆرۆنای لە سەرجەم پارێزگای هەولێر ڕاگەیاند کە ماوەی پێنج ڕۆژ دەخایەنێت.

ئەمڕۆ یەکشەممە 13/9/2020 لە شاری هەولێر هەڵمەتەکە دەستی پێ کردووە و لەمبارەوە د. دڵۆڤان محەمەد بەڕێوەبەری گشتیی تەندروستیی هەولێر، لە پرێس کۆنفرانسێکدا گوتی: "بەمەبەستی خۆپارێزی و تاکپارێزی و لەسەر ڕێنماییەکانی ئەنجوومەنی وەزیران دەسپێکی هەڵمەتی نیشتمانیی بەرەنگاربوونەوەی ڤایرۆسی ڕادەگەیەنین کەلە ماوەی پێنج ڕۆژدا ٣٥ تیم کاری تێدا دەکەن کە١٠ لەو تیمانە لەناو شاری هەولێر و دەروازەکان دەبن، ئەوانی تریش لە سەرجەم قەزا و ناحیەکان هەڵمەتەکه بەڕێوە دەبەن.

"لەبارەی هاوبەشەکانی ئەو هەڵمەتەوە بەڕێوەبەری گشتیی تەندروستیی هەولێر گوتیشی: "بۆ بەڕێوەبردنی هەڵمەتەکە، ڕێکخراوی تەندروستیی جیهانی و ژمارەیەک لە ڕێکخراوە مەدەنییەکانی هەولێر، لەگەڵمان بەشدارن.




باسنیوز