بە گوتەی جێگری بەڕێوەبەری پۆلیسی پارێزگاری کەرکووک ئەمڕۆ یەکشەممە لە سەنتەری شاری کەرکووک، گەنجێک لەلایەن باندێکەوە بە ئۆتۆمبێلەکەوە ڕفێندراوە.

عەلی موتەشەر، جێگری بەڕێوەبەری پۆلیسی پارێزگای كەركوك، رايگەیاند: "كاتژمێر 2ی بەرەبەیانی ئەمڕۆ شەممە 12/9/2020 لە ناوچەی پەنجا عەلی شاری كەركووك لایەن باندێكەوە هاووڵاتییەك بەناوی (م. ح.م) رفێندراوە و پاش چەند كاتژمێرێك لەو ناوچەیە هەوڵی ئازادكردنی رفێندراوەكە دراوە."

گوتیشی: "لە كاتی هەوڵی ئازادكردنی گەنجەکە لەلایەن رفێنەرەکانەوە گەنجەکە بریندار كراوە و پاشان ئۆتۆمبیلەكەشی لەلایەن ئەو باندەوە رفێندراوە."

لەبارەی دەستگیركردنی ئەو باندەوە، جێگری بەڕێوەبەری پۆلیسی پارێزگای كەركووك، باسی لەوەش كرد: "بەهۆی لێكۆڵینەوەكانەوە زیاتر زانیاری ناخەینە ڕوو."











باسنيوز