بە گوتەی گوتەبێژی بەڕێوەبەرایەتیی بەرگریی شارستانی پارێزگای دهۆک، بەرەبەیانی ئەمڕۆ شەممە لە کەمپی "بیرسڤی دوو"ی ئاوارەکان لە سنووری قەزای زاخۆ ئاگر کەوتووەتەوە و بەو هۆیەوە دوو خێوەتی ئاوارەکان سووتاوە.

بێوار عەبدولعەزیز، گوتەبێژی بەڕێوەبەرایەتیی بەرگریی شارستانیی دهۆک ڕايگەیاند: "بەرەبەیانی ئەمڕۆ شەممە 2020.9.12 لە کەمپی "بیرسڤی دوو"ی ئاوارەکان لە قەزای زاخۆ بەهۆی شۆرتی کارەباوە ئاگرێک کەوتووەتەوە و لە ئەنجامدا دوو خێوەتی ئاوارەکان بەتەواوی سووتاوە و زیانی زۆریان پێ گەیشتووە".

بێوار عەبدولعەزیز ئاماژەی بەوەش کرد ئەو ڕووداوە هیچ زیانێکی گیانیی بەدواوە نەبووە و تەنیا کەلوپەل و خێوەتی ئاوارەکان سووتاوە.

لە ماوەی١٠ ڕۆژی ڕابردوودا چوار حاڵەتی ئاگرکەوتنەوە و سووتانی خێوەتی ئاوارەکانە لە کەمپەکانی "چەم مشکۆ، قادیا و بیرسڤ"ی سەر بە زاخۆ لە پارێزگای دهۆک تۆمار کراوە و لە چوار حاڵەتی ئاگرکەوتنەوەکاندا نزیکەی٤٠ خێوەتی ئاوارەکان سووتاون و زۆربەشیان بەهۆی شۆرتی کارەباوە ڕوویان داوە.












باسنيوز