بۆ رەخساندنی هەلی كار لە كوردستان یەكێتیی ئەورووپا ١٢٠ ملیۆن دۆلار دەداتە ڕێكخراوە نێودەوڵەتییەكان
بەپێی ڕاگەیاندراوێکی یەكێتیی ژوورە بازرگانی و پیشەسازیەکانی هەرێمی كوردستان، ئاماژە بەوە کراوە دارا جەلیل خەیات، سەرۆكی یەكێتی ژوورە بازرگانی و پیشەسازییەکانی هەرێمی كوردستان، دیدارێكی لەگەڵ ڤينسۆ كييۆم، بهرپرسى نووسينگهى پهيوهندييهكانى يهكێتیى ئهوروپا له ههولێر و نێردهى يهكێتیى ئهورووپا له عێراق ئەنجام داوە.
ئاماژە بەوەش کراوە لەو ديدارەدا باس له دابينكردنى ههلى كار و ئهنجامدانى خولى پهرهپێدان بۆ گهنجان و پشتگيرى چهند كهرتێك و بەتایبەت پرۆژە چاکسازییەکان له ههرێمى كوردستان كراوە.
بهرپرسى نووسينگهى پهيوهندييهكانى يهكێتى ئهوروپا له ههولێر ئاماژەی بەوەش کردووە: "ئێمه به بڕى 120 مليۆن دۆلار هاوكارى دارايى پێشكهش به رێكخراوه نێودهوڵهتييهكان له ههرێمى كوردستان دەکەین، ئهوانيش لهڕێگهى داڕشتنى بهرنامه و پرۆژهى خۆيانهوه خولى پهرهپێدانى توانا و رهخساندنى ههلیكار بۆ گهنجان ساز دهكهن".
ئەو بەرپرسەی ئەوروپا ،پشتیوانی لە پڕۆژەی چاکسازی کابینەی نۆیەمی حکوومەتی هەرێمی کوردستان کردووە و گوتی:"ئێمه پشتگيرى پرۆژهى چاكسازى حكومهتی هەرێمی کوردستان دهكهين".
سەرۆكی یەكێتی ژوورەكانی بازرگانی و پیشەسازی هەرێمی كوردستان ڕای گەیاندووە: "ئێستا ههرێمى كوردستان پێويستى به بووژانهوه و پێشخستنى كهرتهكانى كشتوكاڵ و تهندروستى ههيه و دەبێت ئەورووپا هاوکار بن، چونکە چهندين كارگهى پيشهسازى ههن بهشێكييان پێويستييان به نۆژهنكردنهوه و تهكنهلۆژياى نوێ ههيه بۆ ئهوهى دهست بهكار بكهنهوه، ههندێك بواريش ههيه تا ئێستا كارگهى نیيه بۆ ئەوەش دەبێ پاڵپشتمان بن".
باسنيوز
