شاندێکی حکوومەتی هەرێمی کوردستان سەردانی بەغدای پایتەختی عێراق کرد.

سەرلەبەیانیی ئەمڕۆ سێشەممە 8-9-2020، شاندەکە بە سەرۆکایەتیی قوباد تاڵەبانی، جێگری سەرۆکی حکوومەتی هەرێمی کوردستان، گەیشتە بەغدا.

شاندەکە گفتوگۆ و دانوستاندنەکانی رابردووی نێوان هەولێر و بەغدا لەبارەی بەشە بودجە و مووچەی فەرمانبەرانی هەرێمی کوردستان، تەواو دەکات.

ئاوات شێخ جەناب، وەزیری دارایی یەکێک بوو لە ئەندامانی دەستنیشانکراوی شاندەکە، بەڵام رۆژی دووشەممە 7-9-2020 وەزارەتی دارایی لە بەیاننامەیەکدا رایگەیاند، وەزیری دارایی تووشی پەتای کۆرۆنا بووە و بەو هۆیەوە ناتوانێ سەردانی بەغدا بکات.




باسنيوز