نیوەڕۆی ئەمڕۆ یەکشەممە بە کاتی ئێران، بوومەلەرزەیەک بە گوڕی 5.1 بە پلەی ڕیختەر شارەکانی گیەڵانی ڕۆژئاوا، قەسری شیرین و سەرپێڵ‌زەهاوی لە پاریزگای کرماشان هەژاندووە.

ئەو بوومەلەرزە هێندە بەهێز بووە لە ناوچەکانی خانەقین و گەرمیان لە باشووری کوردستانیش هەستی پێ کراوە.

بەپێی زانیاریی ماڵپەڕی (ئیسنا)ی ئێران بوومەلەرزەکە کاتژمێر 1:45ی ئەمڕۆ یەکشەممە 2020.8.9 بە کاتی ئێران لە نزیک شاری گیەڵانی‌ڕۆژئاوای سەر بە پارێزگای کرماشان و لە قووڵایی هەشت کیلۆمەتری ژێر زەوی رووی داوە.

سەنتەری بوومەلەرزەکە لە 29 کیلۆمەتری شاری گیەڵانی‌ڕۆژئاوا، 30 کیلۆمەتریی قەسری شیرین و 32 کیلۆمەتریی سەرپێڵ‌زەهاو ڕووی داوە و هاوکات لە ناوچەکانی خانەقین و گەرمیانیش هەستی پێ کراوە.

هەتا ئیستا لەبارەی ئەگەری خەساری گیانی و مادییەکانی ئەو بوومەلەرزەیە هیچ زانیاری و وردەکارییەک بڵاو نەکراوەتەوە.











باسنيوز