گەنجێکی خەڵکی شاری کەرکووک، لە کاتی مەلەکردندا لە ڕووبارێکی سنووری شاری ڕواندز خنکا.

موقەدەم بەیار باڵەکی، گوتەبێژی بەڕێوەبەرایەتی بەرگری شارستانی سۆران به (باسنیوز)ی راگەیاند: "ئێوارەی ئەمڕۆ دووشەممە 3/8/2020 ئاگادار کراینەوە کە گەشتیارێکی شاری کەرکووک بە ناوی (محەمەد نوردین ئەحمەد) تەمەن 26 ساڵ لە کاتی مەلەکردن لە رووباری حافیز لە سنووری قەزای رواندز خنکاوە".

گوتیشی: "تەرمی گەنجەکە دەرهێنراوە و رەوانەی پزیشکی دادی سۆران کراوە و لێکۆڵینەوە لە رووداوەکە دەستی پێکردووە".