پزیشكێکی ڤێتێرنەری لە بەڕێوەبەرایەتی ڤێتێرنەری هەولێر لە وەزارەتی کشتوکاڵ بەهۆی تووشبوونی بە ڤایرۆسی کۆرۆنا گیانی لە دەستدا.

لەمبارەیەوە ئەمڕۆ چوارشەممە ١٥ی ٧ی ٢٠٢٠، بێگەرد تاڵەبانی، وەزیری کشتوکاڵ و سەرچاوەکانی ئاو لە پێگەی فەرمی خۆی لە تۆڕی کۆمەڵایەتیی (فەیسبووک) بڵاویکردووەتەوە: "هەواڵی كۆچی دوایی دكتۆر هیوا تۆفیق زۆر نیگەرانی كردین، لەسەرەتای بڵاوبوونەوەی ڤایرۆسی كۆڕۆنا پزیشكانی ڤێتێرنەری لە هەماهەنگی بەردەوام بوون لەگەڵ وەزارەتی تەندروستی بۆ رووبەڕووبوونەوەی ئەم ڤایرۆسە".

هەروەها دەشڵێت: "بەم بۆنە خەمناكە و بەلەدەستدانی كارمەندێكی دڵسۆزمان پرسە و سەرەخۆشی خۆمان ئاراستەی دكتۆرە ئاڵا ئەسعەدی هاوژینی و هەموو ئەندامانی خانەوادەكەیان دەكەین، لە خودای میهرەبان داواكارین دكتۆر هیوا بە بەهەشتی بەرین شاد بكات و هیوای زوو چاكبوونەوەش بۆ دكتۆرەی هاوژینی دەخوازین، خودای گەورە سەبووری بە هەموولایەك ببەخشێت".

بەپێی داوایین ئاماری وەزارەتی تەندروستی نۆ هەزار و ٨٧٦ کەس لە هەرێمی کوردستان تووشی کۆرۆنا بوون و ٣٥٢ کەسیش بەهۆی پەتاکەوە گیانیان لە دەستداوە.












باسنيوز