بەڕێوەبەرایەتی گشتیی تەندروستیی راپەرین ئاشکرای کرد ئەمڕۆ تووشبوویەکی دیکەی ڤایرۆسی کۆرۆنا دوای مانەوەی بۆ ماوەی نۆ ڕۆژ لە نەخۆشخانە گیانی لەدەست دا.

بەڕێوەبەرایەتییەکە رایگەیاندووە "دوای داخڵبون و مانەوەی بۆماوەی ۹ڕۆژ لەسەنتەری نەخۆشیە گوازراوەکانی ڕانیە،ئەمڕۆ پێنجشەممە رێکەوتی 2ـ7ـ2020 ئافرەتێکی تەمەن63 ساڵ دانیشتووی شاری ڕانیە کۆچی دوایی کرد".

بەڕێوەبەرایەتییەکە ئاماژەی بە ئەوە داوە کە نەخۆشەکە،نەخۆشی تری درێژخایەنی هەبووە و ماوەی ۹ڕۆژ لە سەنتەری نەخۆشییە گوازراوەکانی ڕانیە داخڵکراوە و لەژێر چاودێری وردی پزشکیدابووە".

تاوەکو ئێستا هەشت تووشبووی ڤایرۆسی کۆرۆنا لە سنووری دەڤەری ڕاپەرین گیانیان لەدەست داوە.













باسنيوز