پۆلیسی ڕاپەڕین ڕایگەیاند، ئێوارەی ئەمڕۆ چوارشەممە لە ئەنجامی ڕووداوێکی هاتوچۆدا لە ناحیەی چوارقورنە لە دەڤەری راپەڕین کەسێك گیانی لەدەست دا و کەسێکی دیکەش بریندار بوو.


شۆڕش ئیسماعیل ، گوتەبێژی پۆلیسی ڕاپەڕین ڕایگەیاند: "کاتژمێر 5:00 ی ئێوارەی ئەمڕۆ لە سەر ڕێگای سەرەکی ڕانیە چوارقوڕنە ئۆتۆمبێلێکی جۆری تۆیۆتا وەرگەڕاو بەو هۆیەوە کەسێك بە ناوی ( م، م ، ا ) لە ڕەگەزی نێر تەمەن 16 ساڵ دانیشتووی گەڕەکی کوردستان لە ناحیەی چوارقوڕنە، گیانی لەدەستدا و کەسێکی تریش بەناوی ( ب، هـ ، ب ) تەمەن 16 ساڵ دانیشتووی ناحیەی چوارقوڕنە بریندار بوو".

ڕاشیگەیاند: "دوای چارەسەری پێویست بۆ بریندارەکە ڕەوانەی ماڵەوە کراوەتەوە و تەرمی گەنجەکەی تریش دوای پشکنینی توێکاری لە پزیشکی دادوەری ڕانیە ڕادەستی کەسوکاری کرایەوە".


گوتیشی: "پەڕاوی لێکۆلینەوە بۆ ڕووداوەکە کراوەتەوە و بە پێی ماددەی 23 لە یاسای هاتوچۆ لێکۆڵینەوە لە ڕووداوەکە بەردەوامە".












باسنیوز