دهۆك.. رێڤەبەرێن گشتی و قایمقام دێ هێنە گھۆرین
هشیار فەریق، ئەندامێ ئەنجۆمەنێ پارێزگەها دهۆكێ داخویانیەكێ دا دیار كر: "پشتی كابینەیا نوی یا حكومەتا هەرێما كوردستانێ دەستبكار بووی، بریارە پرۆگرامێ چاكسازی و گۆرانكاریان بهێنە ئەنجام دان، ژ ڤانە هند گۆرانكاری ل پارێزگەها دهۆكێ بهێن ئەنجام دان، پشتی كو لرێكەفتێ 25/6/2020 ب تێكرایا دەنگێن ئەندامێن ئەنجۆمەنێ، پارێزگارەكێ نوی بۆ دهۆكێ هات هەلبژارتن و پشتی 15 رۆژان دێ پارێزگارێ نوی یێ دهۆكێ سۆیندا یاسایی خۆت و ژڤانە هژمارەكا گۆرانكاریان ژی بهێنە ئەنجام دان وەك چەوا بەری نۆكە ژی هند گۆرانكاری هاتبوونە ئەنجام دان".
ئەندامێ ئەنجۆمەنێ پارێزگەها دهۆكێ ئاماژە ب وێ چەندێ ژی دا: " بەری چەند هەیڤان، 5 رێڤەبەرێن گشتی یێن پارێزگەها دهۆكێ هاتنە گھۆرین و 6 رێڤەبەر مانە و ژڤانە ل دەمەكێ نێزیك ئەو هەموو رێڤەبەرە بهێنە گهۆرین و گۆت ژی:" ژبلی گھۆرینا رێڤەبەران، ژڤانە هژمارەكا زور یا قایمقامان ژی بهێنە گھۆرین و د هەمان دەم دا رێڤەبەرێن ناحیان ژی دێ هێنە گھۆرین و ئەم پێشبینی دكەین هندەك رێڤەبەرێن ناحیان، پۆستێ قایمقامی وەربگرن".
باسنيوز
