قایمقامى قه‌زاى ناوه‌ندیی هه‌ولێر ڕوونكردنه‌وه‌ له‌باره‌ى بڕیارێكى ژوورى ئۆپه‌راسیۆنى پارێزگاى هه‌ولێر بۆ ڕووبه‌ڕووبوونه‌وه‌ى كۆرۆنا ده‌دات.

له‌باره‌ى داخستنى سه‌رجه‌م شوێنه‌كان له‌ كاتژمێر 8ى شه‌وه‌وه‌ بۆ 5ى به‌یانى، نه‌به‌ز عه‌بدولحه‌مید، قایمقامى قه‌زاى ناوه‌ندیی هه‌ولێر ڕاگه‌یاند: "له‌ كاتژمێر 8ى شه‌وه‌وه‌ تا 5ى به‌یانى، سه‌رجه‌م شوێنه‌كان له‌ هه‌ولێر داده‌خرێن، به‌ڵام قه‌ده‌غه‌ى هاتوچۆ نابێت".

ڕۆژى پێنجشه‌ممه‌ 25/6/2020، ژوورى ئۆپه‌راسیۆنى پارێزگاى هه‌ولێر بۆ ڕووبه‌ڕووبوونه‌وه‌ى كۆرۆنا چه‌ند بڕیارێكى ده‌ركرد، له‌ یه‌كێك له‌ بڕیاره‌كان باس له‌وه‌ كرابوو، لە ڕۆژی شەممە 27/6/2020 تاوەکوو 3/7/2020، لە دوای کاتژمێر 8ی شەو بۆ 5ی بەیانی، سەرجەم دووکان، بازاڕ، مۆڵ، مارکێت، شوێنە بازرگانییەکان و هەموو ئەو شوێنانەی کە پێشتر بۆ خزمەتی هاووڵاتییان کرابوونەوە، دادەخرێن، جگە لە دەرمانخانەکان، ئه‌م بڕیاره‌ش لاى به‌شێك له‌ هاووڵاتییان ڕوون نه‌بوو و پێیان وابوو له‌ كاتژمێر 8ى شه‌وه‌وه‌ قه‌ده‌غه‌ى هاتوچۆ ده‌بێت، به‌ڵام قایمقامى قه‌زاى ناوه‌ندیی هه‌ولێر ئه‌وه‌ى ڕه‌ت كرده‌وه‌ و جه‌ختى له‌وه‌ كرده‌وه‌: "له‌ كاتژمێر 8ى شه‌و تا 5ى به‌یانى، ته‌نیا شوێنه‌كان داده‌خرێن".








باسنيوز