لە كەلار پیاوێك کۆتایی بە ژیانی خۆی هێنا
موقەدەم عەلی جەمال، گوتەبێژی بەرێوەبەرایەتی پۆلیسی گەرمیان، رایگەیاند: "نیوەڕۆی ئەمڕۆ سێشەمە 23/6/2020، تەرمی هاووڵاتییەك بەناوی (محمد عزیز علی) لەدایكبووی 1951 دانیشتووی گەڕەكی سەركەوتنی شاری كەلار هێنرایە پزیشكی دادوەری كەلار كەبەهۆی هەڵواسینەوە گیانی لەدەستدابوو".
گوتیشی: "بەگوتەی كەسوكاری ناوبراو نەخۆشی دەروونی هەبووە و نیوەڕۆی ئەمڕۆ لەماڵی خۆیان خۆی هەڵواسیوەو گیانی لەدەستداوە".
گوتەبێژی پۆلیسی گەرمیان، ئەوەشی خستە روو، کە لەئێستادا پەڕاوی لێكۆڵینەوە بۆ ڕووداوەكە كراوەتەوەو پۆلیس لەسەرچۆنێتی و هۆكاری خۆخنكاندنی ناوبراو دەستی بەلێكۆڵینەوە كردووە.
باسنیوز
