پاش دوو هەفتە لە کەرەنتینکردنی دادگای تێهەڵچوونەوەی هەولێر، سبەی ماوەی کەرەنتینەکەی تەواو دەبێت و یەکشەممەی داهاتوو دەوام دەست پێ دەکاتەوە و سەرۆکی سەندیکای پارێزەرانی لقی هەولێر داوا لە پارێزەران دەکات ڕێنماییە تەندروستییەکان ڕەچاو بکەن.

لەمبارەوە ئەیاد کاکەیی سەرۆکی لقی هەولێری سەندیکای پارێزەران ڕایگەیاند: "سەرجەم پارێزەرانی دادگای تێهەڵچوونەوەی هەولێر ئاگادار دەکەینەوە کە ٢٨-٦-٢٠٢٠دەوامی دادگای تێهەڵچوونەوەی هەولیر دەست پێ دەکاتەوە.

گوتیشی: "بەیانی دوا ڕۆژی کەرەنتینەکەیە، بەڵام بەهۆی ئەوەی ڕۆژانی پێنجشەممە پشووە بۆیە ڕۆژی یەکشەممەی داهاتوو دەوام دەست پێ دەکاتەوە".

ڕاشی گەیاند: "پێویستە پارێزەران پابەندی ڕێنماییەکانی وەزارەتی تەندروستی و ناوخۆ بن و دەمامک و دەستکێش بەکار بهێنن".












باسنیوز