چەمچەماڵ.. کچێک کۆتایی بە ژیانی خۆی هێنا
شەریف مەلا رەحیم، گوتەبێژی بەرێوەبەرایەتی تەندروستیی چەمچەماڵ، رایگەیاند:" ئەمڕۆ دووشەممە 22/6/2020، لە گوندی تیلەكۆی سەر بە شارۆچكەی سەنگاوەوە تەرمی كچێكی تەمەن 15ساڵ هێندرایە بەشی فریاكەوتنی نەخۆشخانەی شەهید پێشڕەو لەشاری چەمچەماڵ كە بە پەت خۆی خنكاندبوو".
گوتیشی: "گوتە لە كەسوكاری كچەكە وەرگیراوە و گوتویانە ئاگامان لێ نەبووە چۆن خۆی خنكاندووە، تا خەبەرمان بووەتەوە و بینومانە بە پەت خۆی هەڵواسیوە و كۆتایی بەژیانی خۆی هێناوە."
ئاماژەی بە ئەوەش کرد کە بۆ توێكاری پزیشكی تەرمی ئەو كچە رەوانەی پزیشكی دادی سلێمانی كراوە و كەسوكاریشی سكاڵایان تۆمار نەكردووە.
باسنیوز
