فەرەنسا 10 منداڵی چەکدارانی رێکخراوی تیرۆریستی داعش لە ئیدارەی رۆژئاوای کوردستانەوە وەردەگرێتەوە.

ئەمڕۆ دووشەممە 22-6-2020، وەزارەتی دەرەوەی فەرەنسا لە بەیاننامەیەکدا رایگەیاندووە، ئەو 10 منداڵە رادەستی دەسەڵاتدارانی وڵاتەکەی کراونەتەوە.

پێشتر حکوومەتی فەرەنسا رایگەیاندبوو، کە نزیکەی 150 منداڵی چەکدارانی داعش وەردەگرێتەوە، بەڵام چەکدارەکان خۆیان و دایکی منداڵەکان، وەرناگرێتەوە.

ئەو منداڵانە لەلایەن دایک و باوکە توندڕەوەکانیان، کە خەڵکی فەرەنسا بوون، گەیەندراونەتە ناوچەکانی ژێر دەسەڵاتی داعش یان لەوێ لەدایک بوون و دوای شکستهێنانی داعش، کەوتنە ژێر دەستی هێزە کوردییەکان لە رۆژئاوای کوردستان.












باسنيوز