بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ‌ دیار كر كو هەتا نۆكە ل دهۆكێ‌ 25 هزار و 558 پشكنینێن كۆرۆنایێ‌ بۆ كەسێن گومانلێكری هاتینە ئەنجامدان. هەتا نۆكە 145 تووشبوویێن كۆرۆنایێ‌ ل دهۆكێ‌ هاتینە تۆماركرن ژوانا ژی 115 تووشبوویێن كۆرۆنایێ‌ ب تەمامی چارەسەر بووینە.

حەمزە رەزیكی، بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ‌ دیار كر كو: "كەرەنتینكرنا وەلاتیان ژبەر مەترسیا كۆرۆنایێ‌ ل دهۆكێ‌ یا بەردەوامە هەتا نۆكە حەفت هزار و 715 كەس هاتینە كەرەنتینكرن ژوانا ژی شەش هزار و 922 كەس ژناڤ جهێن كەرەنتینان دەركەڤتینە یێن چووینە مالێن خوە هەتا ئەڤرۆ 21/6/2020ێ‌ ل دهۆكێ‌ 723 كەس ناڤ جهێن كەرەنتینان دا ماینە كو نۆكە ل دهۆكێ‌ 25 جهێن كەرەنتینكرنێ‌ هەنە وبەردەوام وەلاتیێ‌ دهێنە كەرەنتینكرن. هەتا نۆكە ل دهۆكێ‌ هیچ تووشبوویەكێ‌ كورۆنایێ‌ گیانێ خوە ژدەست نەدایە".

خۆیا ژی كركو:" هەتا نۆكە ل دهۆكێ‌ 145 تووشبوویێن كۆرۆنایێ‌ هاتینە تۆماركرن ژوانا ژی 115 تووشبوویێن كورۆنایێ‌ چارەسەربووینە. نها 30 تووشبوویێن كۆرۆنایێ‌ نەخۆشخانێ‌ دا ماینە چارەسەری وەردگرن".











باسنیوز