ل بەردەرەش د رویدانەكا ئاگربەربوونێدا دوو پەنابەر بوونە قوربانی
خەلیل مەحمود، قایمقامێ قەزا بەردەرەش دیار كر: "ژ بەر كۆ ژ ئەگەرێ شۆرتەكێ كارەبێ، سپێدەهیا ئەڤرۆ رۆژا سێ شەمبی دەمژمێر (5:00) سپێدێ ئاگر بەر دبیتە خیڤەتا پەنابەرەكێ كو خەلكێ رۆژئاڤایێ كۆردستانێ یە و د ئەنجام دا رویدانەكا دلتەزین پەیدا دبیت و دوو كەس دبنە قوربانی".
قایمقامێ قەزا بەردەرەش ئەو چەندە ژی دوپات كر: "ئاگر ژ ئەگەرێ شورتەكێ كارەبێ دروست بوویە و خیڤەت ب تەمامی هاتیە سۆتن و رویدانەكا دلتەزین بوویە چونكە دوو كەس بوونە قوربانی كو دوو هەڤژین بوونە كو زەلام دژیێ (19) سالیێ دا بوویە و ژن دژیێ (17) سالیێ دا بوویە و ئەڤ چەندە كارەساتەك مەزنە پەیدا بوی و تەرمێن هەردوو كەسێن گیانێ خۆ ژدەست دای بۆ نۆژداریا داد ل دهۆكێ هاتنە رەوانەكرن".
باسنيوز
