گوتەبێژی پۆلیسی هاتۆچۆی هەولێر ڕای گەیاند توانیویانە لەنێو ئۆتۆمبێلی هاووڵاتیاندا لە كاتی شوفێریدا دەست بەسەر چەندین بوتڵی كحولد بگرن.

لەمبارەوە موقەدەم فازڵ حاجی، گوتەبێژی پۆلیسی هاتۆچۆی هەولێر ڕايگەیاند: "بەهۆی بڵاوبوونەوەی زیاتری ڤایرۆسی كۆرنا لە هەرێمی كوردستان بڕیار درا شوفێرانی تاكسی و پاسەكان ماسك و دەستكێش بەكار بێنن و خۆشبەختانە شوفێران پابەندی رێنماییەكان بوون".

ڕاشی گەیاند: "لە هەڵمەتێكدا توانیمان لەنێو ئۆتۆمبێلی هاووڵاتیان لە کاتی شۆفێریدا دەست بەسەر چەندین بوتڵی كحولدا بگرین كە ئەمەش زیانی بە شوفێران دەگەیەنێت لە كاتی لێخوڕینی ئۆتۆمبیلدا".

گوتیشی: "ئەمڕۆ لەگەڵ ژووری نەهێشتنی لێخورینی ئۆتۆمبێل لەژێر كاریگەریی مادە سەرخۆشكەرەكان توانیمان ئەم بتڵە كحولانە و مادەكانی‌تری سەرخۆشكەر بخەینە ژێر خاكەوە".













باسنيوز