ئەحمەد ساقی ، رێڤەبەرێ چاندنێ ل ناحیا بەرتللە دیار كر كو هەتا نۆكە 87 روودانیێن ئاگربەربوونێ ل بەرتللە هاتیە تۆماركرن دئەنجامدا ژی 800 دونمێن دەخلۆدانێ هاتینە سۆتن. ژوانا پتریا دەخلۆدانێ یێن جۆتیارێن مەسیحیان بوویە ورێژەك ژی یێن جۆتیارێن شەبەك بوویە ل دەڤەرا بەرتللە هاتیە سۆتن. بتایبەتی ژی ل منارە شەبەك وبەرتللە بخوە ل هندەك گوندێن دی یێن سەر بەرتللە ڤە دەخلۆدانێ جۆتیاران هاتیە سۆتن. ئەم دێ نڤیسارەكێ بۆ قەرەبووكرنا جۆتیاران دەینە رێڤەبەریا گشتی یا چاندنێ ل مووسل و ئیدارا مووسل ژی. ئەم دخوازین جۆتیارێن دەخلۆدانێ وان هاتیە سۆتن بهێنە قەرەبوو كرن داكو بشێن سالا بهێت بەردەوامیێ ب كاری چاندنێ بدەن.
خۆیا ژی كر كو: "روبەرێ 60 هزار دونمێن دەخلۆدانێ ل بەرتللە هاتیە چاندن وپێشبینی دهێتە كرن بەرهەمێ وێ دەخلۆدانێ بگەهتە 30 هزار تەنان".
رێڤەبەرێ چاندنێ ل ناحیا بەرتللە دیار كر كو ئەڤ سالە هەتا نۆكە رووبەرێ 800 دونمێن دەخلۆدانێ هاتیە سۆتن وپتریا روودانێن ئاگربەربوونێ دناڤ دەخلۆدانێ جۆتیارێن مەسیحیان و كوردێن شەبەك بوویە.
باسنیوز
