سه‌رۆكێ لێژنا هه‌ڤپشكا دوڤچوونێ ل قائیمقامیا قه‌زا دهۆكێ دیاركركو چار جهێن كار ژبه‌ر نه‌پێگیری ب رینمایان هاتنه‌ سزادان ژوانا ژى دوو خوارنگه‌ه بوون و 63 هوشدارى ژى جهێن كار هاتنه‌ دان.

یوسف محه‌مه‌د حه‌سه‌ن، سه‌رۆكێ لێژنا هه‌ڤپشكا دوڤچوونێ ل قائیمقامیا قه‌زا دهۆكێ دیاركركو: "دماوێ 24 ده‌مژمێرێن بۆریدا هه‌تا نۆكه‌ لێژنێن دوڤچوونێ سه‌ره‌دانا 232 ماركێت و خوارنگه‌ه وجهێن نۆشدارى و نانپێژى و جوانكارى و سه‌رتراشخانه‌ و جهێن جۆرا و جۆر یێن كار ل ناڤ تاخێن پارێزگه‌ها دهۆكێ كریه.‌ دڤان سه‌ره‌دانێن خوه‌ دا لێژنێن دوڤچوونێ چار جهێن كار سزادان و63 هوشدارى ژى هاتینه‌ دان بۆ جهێن جۆدا یێن كار ل دهۆكێ".

خۆیا ژى كركو: " ژ چار جهێن كاركرنێ یێن هاتینه‌ سزادان ژوانا ژى دوو خوارنگه‌ه ب كوژمێن پاره‌ ژبه‌ر نه‌پێگیری ب رێنمایان هاتنه‌ سزادان و دوو جهێن دی یێن كار ژى هاتینه‌ داخستن ژبه‌ر نه‌پێگیری ب رێنمایێن لێژنێ".











باسنيوز