بەهۆی تووشبوونی دوو دادوەر لە دادگای تێهەڵچوونەوەی هەولێر، بۆ ماوە 14 ڕۆژ دادگای تێهەڵچوونەوەی هەولێر كەرەنتن كرا.

لەمبارەوە شەهرام میحراج، بەرپرسی ڕاگەیاندنی دادگای تێهەڵچوونەوەی هەولێر ڕاگەیاند: "بەهۆی هەبوونی دوو حاڵەتی هەڵگری ڤایرۆسی كۆرۆنا لە دادگای تێهەڵچوونەوەی ناوچەی هەولێر، دادگاكە كەرەنتین كراوە".

ڕاشی گەیاند: "هەردوو هەڵگری ڤایرۆسی كۆرۆنا دوو دادوەرن لە سەرۆكایەتیی دادگای تێهەڵچوونەوەی ناوچەی هەولێر، دوای دەركەوتنی نیشانەكانی ڤایرۆسی كۆرۆنا لێیان و ئەنجامدانی پشكنین، دەركەوتووە هەڵگری ڤایرۆسەكەن، بڕیار درا بە كەرەنتینكردنی دادگای تێهەڵچوونەوەی ناوچەی هەولێر بۆ ماوەی 14 رۆژ".





باسنيوز