سەرۆکی ئەنجوومەنی نوێنەرانی عێراق بەبۆنەی تێپەڕبوونی ساڵێک بەسەر دەستبەکاربوونی نێچیرڤان بارزانی لە پۆستی سەرۆکی هەرێمی کوردستان، پیرۆزبایی لە نێچیرڤان بارزانی دەکات و دەڵێت، خوازیارین فەخامەتی سەرۆک ئەو رۆڵە نیشتمانییەتان بەردەوام بێت بۆ تێپەڕاندنی ئەو سەختیانەی کە عێراقی خۆشەویست پێیدا تێپەڕدەبێت.

ئەمڕۆ 10-06-2020 ساڵێک بەسەر دەستبەکاربوونی نێچیرڤان بارزانی وەکو سەرۆکی هەرێمی کوردستان تێدەپەڕێت، محەممەد حەلبووسی، سەرۆکی ئەنجوومەنی نوێنەرانی عێراق بەم بۆنەیەوە پەیامێکی پیرۆزبایی ئاراستەی نێچیرڤان بارزانی کردووە و دەڵێت، بەبۆی تێپەڕبوونی ساڵێک بەسەر وەرگرتنی پۆستی سەرۆکی هەرێمی کوردستان ''دڵسۆزترین و جوانترین پیرۆزباییتان لێدەکەم بۆ سەرکردایەتی دانایی و هاوسەنگیتان لە هەرێمی کوردستان."

حەلبووسی باسی رۆڵی نێچیرڤان بارزانی لە چارەسەرکردنی کێشەکان دەکات و دەڵێت: "خوازیارین فەخامەتی سەرۆک ئەو رۆڵە نیشتمانییەتان بەردەوام بێت بۆ تێپەڕاندنی ئەو سەختیانەی کە عێراقی خۆشەویست پێیدا تێپەڕدەبێت، دیدگایەکی نوێ و کارا بۆ هاوکاریکردن بێتەئاراوە. "

دەقی پەیامەکەی محەممەد حەلبووسی، سەرۆکی پەرلەمانی عێراق

فەخامەتی سەرۆک نێچیرڤانی بارزانی بەڕێز

بەبۆی تێپەڕبوونی ساڵێک بەسەر وەرگرتنی پۆستی سەرۆکی هەرێمی کوردستان، دڵسۆزترین و جوانترین پیرۆزباییتان لێدەکەم بۆ سەرکردایەتی دانایی و هاوسەنگیتان لە هەرێمی کوردستان، هەروەها لە رووبەڕووبوونەوەی ئاڵەنگارییەکان بە گیانێکی گەشبینی و بیرێکی بەرنامەبۆداڕێژراو، خواست و ویستان بۆ هاوکاری بونیادنراوە لەگەڵ بەغدا بەپێی دەستوور.

خوازیارین فەخامەتی سەرۆک ئەو رۆڵە نیشتمانییەتان بەردەوام بێت بۆ تێپەڕاندنی ئەو سەختیانەی کە عێراقی خۆشەویست پێیدا تێپەڕدەبێت، دیدگایەکی نوێ و کارا بۆ هاوکاریکردن بێتەئاراوە.

داواکاریان لە خودای گەورە سەرکەوتووتان بکات بۆ خزمەتکردنی گەلی کوردستان و بەرزکردنەوە و گەشەپێدانی هەرێم. برام فەخامەتی سەرۆک دڵسۆزترین پیرۆزبایی و هەستی راستگۆیانەمان بەم بۆنە خۆشەویستە قبووڵ بفەرموون.

محەممەد حەلبووسی
سەرۆکی پەرلەمانی عێراق
10ی حوزیرانی 2020






رووداو -