دوانیوەڕۆی ئەمڕۆ شەممە 2020.6.6 لە کۆبوونەوەی ئەنجوومەنی نوێنەرانی عێراق کە بۆ متمانەدان بە حەوت وەزیری کابینەی مستەفا کازمی، تەرخان کرابوو، فواد حوسێن کاندیدی پارتی دیموکراتی کوردستان، دەنگی متمانەی بەدەست هێنا و بوو بە وەزیری دەروەی عێراق.

لە کۆبوونەوەکەی پەرلەمانی عێراقدا کە بە ئامادەبوونی 247 پەرلەمانتار بەڕێوە چوو، فواد حوسێن کاندیدی پارتی دیموکراتی کوردستان توانی متمانە وەربگریت و ببێتە وەزیری دەرەوەی عێراق.

ناوی شەشوەزیرەکەی کە ئەمڕۆ لە پەرلەمانی عێراق متمانەیان پێ دراوە بریتییە لە:

حەسەن نازم حەماد، بە وەزیری ڕۆشنبیری.

ئیحسان عەبدولجەبار، وەزیری نەوت.

محەمەد کەریم جاسم، وەزیری کشتوکاڵ.

سالار عەبدولستار، وەزیری دادە کە کوردە و کاندیدی یەکێتیی نیشتمانیی کوردستانە.

ئیڤان فایق یەعقووب، وەزیری کۆچ و کۆچبەران.

عەلی عەلا ئەحمەد حوسێن، وەزیری بازرگانی

بەپێی زانیارییەکان هاوکات هادی عامری لە پەرلەمانتاریی عێراق کشایەوە.












باسنيوز