ئارەزوو ئەلیاسی، کچە پەنابەرێکی کوردەی خەڵکی کرماشان لە سویسرا خوێندکاری بەشی میکانیکە و کەسوکاری پێشمەرگە بوون و بۆ خۆشی کەسێکی سیاسییە، لەلایەن وڵاتی سویسراوە مەترسیی دیپۆرتکردنەوە بۆ ئێرانی لەسەرە.

بەپێی گرتە ڤیدیۆیەک کە ئارەزوو ئەلیاسی بۆ خۆی لە تۆڕە کۆمەڵایەتییەکان بڵاوی کردووەتەوە لەبەر ئەوەی کە بنەماڵەکەی سەر بە حیزبی دیموکرات و سیاسی بوون، ساڵی 2015 لەگەڵ بنەماڵەکەی رۆژهەڵاتی کوردستان بەجێ دەهێڵن کۆچ دەکەن و چوونەتە سویسرا لەوێ داوای پەنابەریی سیاسییان کردووە.

ئاماژەی بەوەش کردووە لە ماوەی ئەم 5 ساڵەدا چەند جار لەلایەن وڵاتی سویسراوە وڵامی رەدی وەر گرتووە و مافی پەنابەریی پێ نەدراوە و دەوڵەتی سویسرا ڕێکەوتی 31ی مانگی7ی 2020ی بۆ دیاری کردووە کە ئەم کچە کوردە رادەستی کۆماری ئیسلامیی ئێران بکاتەوە.

ئارەزوو چالاکێکی سیاسییە و ئەندامی حیزبی دیموکراتە و لە یەکێتیی لاواندا چالاک بووە، ئەگەر ڕادەستی ئێران بکرێتەوە گیانی لە مەترسیدا دەبێت.

لە گرتتە ڤیدیۆیەدا داوا لە هەموو رێکخراوە سیاسی و کۆمەڵایەتییەکان و ناوەندەکانی مافی مرۆڤ و چالاکوانان کردووە بە دەنگییەوە بڕۆن لە هەر ڕێگەیەکەوە بتوانن یارمەتی بدەن و رێگری ئەوە بن نەینێرنەوە بۆ ئێران.












باسنيوز