وەزارەتی تەندروستی حکوومەتی هەرێمی کوردستان تۆمارکردنی حەوت حاڵەتی دیکەی تووشبوون بە کۆرۆنا لە هەولێر راگەیاند.

بەپێی راگەیاندراوێکی وەزارەتی تەندروستی کە تێیدا هاتووە: لە بەردەوامی پشکنینەکان و گەڕان بەدوای گومانلێکراوان و تووشبووان، حەفت تووشبووی دیکەی ڤایرۆسی کۆڕۆنای نوێ COVID-19 لە شاری ھەولێر دەستنیشانکران.

روونیشکراوەتەوە، تووشبووەکان سێ پیاو تەمەن ٦٠ و ٢٦ و ٢٠ ساڵ و سێ ئافرەت تەمەن ٥٧ و ٢٧ و ٢٣ ساڵ و کچێکی تەمەن ١٦ ساڵەن، کە ھەموویان بەرکەوتووی تووشبووی پێشوون.

هەروەها ئەوەش خراوەتە روو، کە یەك تووشبوو دانیشتووی گەڕەکی کوێستانە و شەش تووشبووەکەی دیکەش دانیشتووی گەڕەکی ھەولێری نوێن لە شار هەولێر.













باسنیوز