وەزارەتی تەندروستی حکوومەتی هەرێمی کوردستان تۆمارکردنی دوو حاڵەتی دیکەی تووشبوون بە ڤایرۆسی کۆرۆنا لە گەرمیان راگەیاند.

بەپێی راگەیاندراوێکی وەزارەتی تەندروستی کە تێیدا هاتووە: لە بەردەوامی پشکنینەکان و گەڕان بەدوای گومانلێکراوان و تووشبووان، دوو تووشبووی دیکەی ڤایرۆسی کۆڕۆنای نوێ COVID-19 لە دەڤەری گەرمیان دەستنیشانکران.

روونیشکراوەتەوە، تووشبووەکان دوو ئافرەت تەمەن ٣٦ و ٢٦ ساڵن، تووشبووی یەکەم بەرکەوتووی تووشبوانی پێشووە، تووشبووی دووەمیش سەردانی شاری بەغدادی کردووە و هەردووکیشیان دانیشتووی گەرەکەکانی شەھیدان و بەردەسوورن لە قەزای کەلار.











باسنيوز