ل دهۆكێ زانیاری ل سەر نەخۆشێن كۆرۆنایێ دهێنە ئاشكرا كرن
د. نزار عسمەت، رێڤەبەرێ گشتی ساخلەمیا پارێزگەها دهۆكێ راگەهاند كو مە دوو نەخۆشخانە هەبوون هەر دوو نەخۆشخانێن مە پر بووینە ژ نەخۆشان. نها نەخۆشخانەكا دێی بۆ كۆرۆنایێ یا دهێتە بەرهەڤكرن. هەكە هێشتا زێدەبن ئەم نەچارن نەخۆشخانا ئازادی و زاخۆ و ئاكرێ بۆ كۆرۆنایێ بكاربینن. ئەم هێڤیدارین هەر كەسێ نیشانەك ل دەڤ هەی قەستا نەخۆشخانێ بكەت بۆ ئەنجامدانا پشكنینان. نها ل دهۆكێ 91 كەسێن نەخۆش ب كۆرۆنایێ هەنە ژوانا ژی هیچ كەسەكێ گیانی خوە ژ دەست نەدایە. ئەم دخوازین خەلك پێگیر بن. ئەم وخەلك پێكڤە ئێكدو بپارێزن و بلا كەلتورێ پارێزێ پەیدا بیت".
ئاشكەرا كر كو: "مە چەند جه هەنە نەخۆشی زێدە دكەن ژوانا ژی خارنگەه كو نەخۆش ل خارنگەهێ هەبووینە وكاركرینە و ماركێت هەبووینە نەخۆش تێدا هەبووینە هەتا ژی كلینیكێن نۆشداری ژی مە حالەت هەنە. ئەم ئەڤرۆ پێشبینی دكەین حالەت پەیدا بن".
فەرهاد ئەمین ئەتروشی، پارێزگارێ دهۆكێ ژی راگەهاند، مە بەرهەڤی كرینە هەكە نەخۆشی زێدەتر بیت وپتر رەوش خرابتر بیت دهۆكێ بكەینە چار زۆن و لسەر كار بكەین. پلان هاتینە دانان و ئاسانكاری ژی هاتینە كرن ب تنێ مەرەما مە ئەوە خەلكێ خوە بپارێزن، دوور بكەین ژنەخۆشیا كۆرۆنایێ. قەدەغەیا هاتنوچوونێ یا بەردەوامە ل دهۆكێ. هەر تشتەكێ شیاندابیت بۆ پاراستنا خەلكێ خوە دێ ئەنجام دەین. حالەت هەبووینە دوو یان سێ جاران یێ چوینە كلینیكا نۆشداری یان پەرستاری یان هاریكارێ نۆشدارێ. ئەم هێڤیدارین ئەو كەس قەستا نەخۆشخانێ بكەن داكو چارەسەریا وان بهێتە كرن."
باسنيوز
