وەزارەتی تەندروستی حکوومەتی هەرێمی کوردستان گیانلەدەستدانی چوار کەسی دیکەی بە ڤایرۆسی کۆرۆنا لە سلێمانی راگەیاند.

بەپێی راگەیاندراوێکی وەزارەتی تەندروستی کە تێیدا هاتووە: "چوار تووشبووی نەخۆشی ڤایرۆسی کۆڕۆنای نوێ COVID19 گیانیان لەدەستدا، سێ پیاو تەمەن ٧٥ و ٥٨ و ٥٢ ساڵ و ئافرەتێك تەمەن ٧٠ ساڵ، کە سێ لە خوالێخۆشبووان دانیشتووی ناو شاری سلێمانین و یەک خوالێخۆشبوو دانیشتووی قەزای چەمچەماڵە و دوای خەواندنیان لە نەخۆشخانە و مانەوەیان گیانیان سپارد".

وەزارەتی تەندروستی وێڕای پرسە و سەرەخۆشی لە خانەوادە و کەسوکاری خوالێخۆشبوو هیوادارە هاووڵاتییان پابەندی ڕێنماییەکانی تەندروستی بن.




باسنيوز