له‌لایه‌ن حكوومه‌تی هه‌رێمی كوردستانه‌وه‌ مووچه‌ی دوو مانگی كرێكارانی پاككه‌ره‌وه‌ی سنوری ئیداره‌ی گه‌رمیان خەرج كرا و كرێكاران ده‌ست به‌ پاككردنه‌وه‌ی شار و شارۆچكه‌كانی سنووری ئیداره‌ی گه‌رمیان ده‌كه‌نەوە.

به‌رزان كه‌ریم به‌رێوه‌به‌ری به‌رێوه‌به‌رایه‌تیی شاره‌وانییه‌كانی گه‌رمیان رایگه‌یاند "پاش ئه‌وه‌ی بۆ ماوه‌ی چوار مانگ پاره‌ی كرێكارانی كۆمپانیای سه‌گرمه‌ نه‌درا و به‌و هۆیه‌وه‌ ناوبه‌ناو ده‌ستیان ده‌دایه‌ مانگرتن، خۆڵ و خاشاكێكی زۆر له‌ گه‌ڕه‌كه‌كانی كه‌لار كۆده‌بووه‌وه‌، ئه‌مڕۆ سێشه‌ممه ئه‌و كێشه‌یە چاره‌سه‌ر كرا".

گوتیشی "پاش هه‌وڵه‌كانی ئیداره‌ی گه‌رمیان و له‌لایه‌ن وه‌زاره‌تی شاره‌وانی و گه‌شتوگوزاری حكوومه‌تی هه‌رێمی كوردستانه‌وه‌، ئه‌مڕۆ مووچه‌ی دوو مانگیان پێدرا".

به‌رێوه‌به‌ری شاره‌وانییه‌كانی گه‌رمیان گوتیشی كرێكارانی پاككه‌ره‌وه‌ ده‌ست ده‌كه‌نەوە به‌ پاككردنه‌وه‌ی ته‌واوی شار و شارۆچكه‌كانی سنووری ئیداره‌ی گه‌رمیان.











باسنیوز