ئەمڕۆ سێشەممە ٢ـی ٦ـی ٢٠٢٠، سەرۆك بارزانی لە بارەگای خۆی لە سەڵاحەددین پێشوازی لە ماتیۆ تولەر، باڵوێزی ولایەتە یەکگرتووەکانی ئەمریکا لە عێراق کرد.

لە دیدارێكدا باس لە بارودۆخی سیاسیی و دوا هەوڵەکانی پێکهێنانی حکوومەت لە عێراق و پەیوەندییەکانی ویلایەتە یەکگرتووەکانی ئەمریکا بە عێراق و هەرێمی کوردستان کرا.

هەر لە کۆبوونەوەکەدا ڕۆشنایی خرایە سەر سەرهەڵدانەوەی جموجۆڵەکانی داعش و گرفت و کێشەکانی ناوچە کوردستانییەکانی دەرەوەی ئیدارەی هەرێمی کوردستان و مەسەلەی کۆچبەر و ئاوارەکان.

هەروەها باڵوێزی ئەمریکا ڕۆڵی ئیجابی سەرۆک بارزانی لەو مەسەلانە و لە ڕووی پێکەوەژیان لە هەرێمی کوردستاندا بەرز نرخاند.