ئەمڕۆ یەکشەممە 2020/5/31 مەسرور بارزانی، سەرۆکی حکوزمەتی هەرێمی کوردستان، بە ئامادەبوونی قوباد تاڵەبانی، جێگری سەرۆکی حکوومەت و وەزیرە پەیوەندیدارەکان، سەرپەرشتیی کۆبوونەوەیەکی تایبەت بە قەرز و پابەندییە داراییەکانی سەر حکوومەتی هەرێمی کوردستان کرد.

لە کۆبوونەوەکەدا ، بەڕێوەبەرایەتیی بەڕێوبردن و هەماهەنگیی قەرزی گشتی سەر بە ئەنجوومەنی وەزیران، ڕاپۆرتێکی بەرفراونی بە خشتە و داتای پێویستەوە دەربارەی قەرز و پابەندییە داراییەکانی سەر حکوومەتی هەرێمی کوردستان خستەڕوو کە لە لایەن وەزارەت و لایەنە پەیوەندیدارەکان ئامادە کرابوو.

دوای گفتوگۆ و ڕاگۆڕینەوە، بڕیاردرا ڕاپۆرتی تایبەتی قەرز و پابەندییە داراییەکان ئاراستەی دیوانی چاودێریی دارایی هەرێمی کوردستان بکرێت، وەکوو لایەنی پەیوەندیدار بەمەبەستی وردبینی و پێداچوونەوە بۆ ئەوەی لە زووترین کاتدا بخرێتە بەردەستی پەرلەمانی کوردستان و ڕای گشتی.











باسنيوز