زانیارێن نوو لسهر رهوشا حهفت تووشبووێن كۆرۆنا ل دهۆكێ
حهمزه رهزیكى، بهرپرسێ راگههاندنێ ل رێڤهبهریا گشتى یا ساخلهمیا پارێزگهها دهۆكێ دیاركركو: "رهوشا وان كهسێن ناڤ نهخۆشخانێ دا ژبهر كۆرۆنایێ هاتینه نڤاندن گهلهك باشه و بهردهوام چاڤدیرى وچارهسهریا وان دهێته كرن، ههر ژدهستپێكى ههتا نوكه ل پارێزگهها دهۆكێ 29 تووشبوویین كۆرۆنایێ هاتینه تۆماركرن، ژوانا ژى 19 تووشبوویێ ب تهمامێ چارهسهر بووینه نها حهفت تووشبوویێن كۆرۆنایێ دناڤ نهخۆشخانێ دا ماینه چارهسهرێ وهردگرن، ههروهسا ژى 701 كهس نوكه ماینه دناڤ 20 جهێن كهرهنتینكرنێ دا رۆژانا پشكنینن بۆ كهسێن گومانلیكرى دهێنه كرن".
ئاشكهرا كركو: "ههر ژدهستپێكى ههتا نها ل دهۆكێ 15 هزار و 781 پشكنینن بۆ كهسێن گومانلیكرى یێن هاتینه كرن، ههروهسا ههتا نوكه ل دهۆكێ چار هزار و 726 كهس یێن هاتینه گهرهنتینكرن، ژوانا ژى چار هزار و 25 كهس ژناڤ كهرهنتینان یێن چووینه مالێن خوه و هیشتا 701 كهس دناڤ كهرهنتینان دا ماینه".
باسنيوز
