ساخلەمیا دهۆكێ هوشداریەكێ بەلاڤ دكەت
رێڤەبەریا گشتی یا ساخلەمیا پارێزگەها دهۆكێ ل پەیجەكێ نێزیكی رێڤەبەریا خو دا ئاگەهداریەك بەلاڤ كریە و دانەیەك ب ده ست كەفتیە و دیار كریە و گوتی یە : ژ بەر كو دوهی رۆژا سێ شەمبی ل پارێزگەها دهۆكێ(7) حالەتێن نوی یێن ڤایروسێ كورۆنایێ هاتنە توماركرن و ئەو هەمو كەسە نها ل نەخۆشخانا تایبەت دا نە یا نەخوشیا ڤایرۆسێ كورۆنایێ ل دهۆكێ.
رێڤەبەریا ساخلەمیا پارێزگەها دهۆكێ د ئاگەهداریا خو دا دوپاتی ل وێ چەندێ كریە: ئەو (7) كەسێن هاتینە توماركرن ب ڤایرۆسێ كورۆنایێ، ئەوان كەسان (هاتن و چوون) ل ناڤا باژێری دا ئەنجام دایە و هەر دیسان ئەوان كەسان چەند سەرەدان ژی ئەنجام دانە.
ساخلەمیا دهۆكێ د ئاگەهداریا خو دا هوشداریێ ددەتە خەلكی كو فەرە هشیاری رەوش و ساخلەمیا خو بن، ژ بەر كو ئەوان كەسان هاتنوچوونا ئەنجام دای ناڤا باژێری دا ، لەورا فەرە خەلك زور پێگیری رێنمایان بیت تا كو چ مەترسی ل سەر ژیانا وان دروست نەبیت و نها دا ئەو كەسێن توشی كورۆنایێ بوین ل نەخۆشخانا تایبەت دا نە یا كورۆنایێ ل دهۆكێ و چارەسەریێن نوژداران وەردگرن.
هەژی دیاركرنێ یە، ژ دەستپێكا هاتنا ڤایرۆسێ كورۆنایێ تا نوكە (26) كەس ل پارێزگەها دهۆكێ بونە هەلگرێ ڤایرۆسێ كورۆنایێ و (19) كەس ب تەمامی چارەسەر بونە و قەستا ناڤا خێزانێن خو دا كرینە و(7) كەسێن دیتر كو دوهی رۆژا شەمبی هاتنە توماركرن ل نەخوشخانێ دا مانە و لبن چاڤدێریا نوژداران دا نە.
باسنيوز
