وەزارەتی دارایی و ئابووری حکوومەتی هەرێمی کوردستان روونکردنەوەیەکی لەبارەی لێدوانێکی جێگری پارێزگاری ھەڵەبجە گوایە وەزارەتی دارایی بودجەی ڕووبەرووبوونەوەی کۆرۆنا بۆ پارێزگای ھەڵەبجە خەرج ناکات بڵاو کردەوە.

دەقی روونکردنەوەکە:

بەرێز کاوە علی، جێگری پارێزگاری ھەڵەبجە، لێدوانی داوە گوایە وەزارەتی دارایی و ئابووری بودجەی ڕووبەرووبوونەوەی کۆرۆنا بۆ پارێزگای ھەڵەبجە خەرج ناکات، بە پێویستمانزانی ئەم روونکردنەوەیە بدەین بۆ ئەوەی ھاووڵاتییانی ئازیزمان لە پارێزگای ھەڵەبجە لێی ئاگاداربن:

1- لەئێستادا کەرەنتینەکردن لە پارێزگای ھەڵەبجە نیە بۆیە تەمویل بۆ کەرەنتینەکردن وەستاوە.

2- سەرباری داواکردنی چەند جارەی وەزارەتی ناوخۆ، تا ئێستا لیستی ناوی ئەو کەسانەی کەرەنتینەکراون لە پارێزگای ھەڵەبجە نەگەڕێنراونەتەوە بۆ وەزارەتی ناوخۆ پاشان بۆ وەزارەتی دارایی و ئابووری.

3- لە وەزارەتی تەندروستیەوە سەرجەم پێویستی و خەرجیەکانی تایبەت بە چارەسەرکردن و خۆپارێزی لە ڤایرۆسی کۆرۆنا بۆ بەرێوەبەرایەتی گشتی تەندروستی ھەڵەبجە دابیندەکرێت.

وەزارەتی دارایی و ئابووری 2020/5/25













باسنيوز