گوتەبێژەی فەرمانگەی تەندروستیی كەركووك ڕای گەیاند، لە شاری كەركووك, نزیکەی 33 تۆن هێلكەی ماوە بەسەرچوو لەناو برا.

ئەمڕۆ چوارشەممە 20/5/2020، سامان یابە، گوتەبێژی فەرمانگەی تەندروستیی كەركووك ڕایگەیاند: "بەشی چاودێریی تەندروستیی سەر بە فەرمانگەی تەندروستیی كەركووك، لە كۆگایەكی كەركووك دەستیان بەسەر هەزار و 362 كارتۆن هێلكە، واتا 32 تۆن و 988 كیلۆ هێلكەی ماوە بەسەرچوودا گرتووە.

گوتیشی: "پاشان خاوەن ئەو گۆگایە دۆسیەی یاسایی بۆ دەركرێتەوە و ڕاپێچی بەردەم دادوەری لێكۆڵینەوەی شاری كەركووك دەكرێت، چونكە ویستوویەتی لە بازاڕدا ساخی بكاتەوە".











باسنیوز