پاش ئه‌وه‌ی شه‌وی رابردوو هاووڵاتییەک له‌ شاری كه‌لار به ‌چه‌قۆ كوژرا، پۆلیسی شارەکە رایدەگەیەنێ کە بكوژ برازای کوژراوە و له‌گه‌ڵ هاورێیه‌كی تاوانه‌كه‌یان ئه‌نجامداوه‌.

عه‌لی جه‌مال ، گوته‌بێژی به‌رێوه‌به‌رایه‌تی پۆلیسی گه‌رمیان، رایگه‌یاند: "ئه‌مڕۆ سێشه‌ممه‌ ( 19/5/2020)، له‌لایه‌ن هێزه‌كانی پۆلیسی گه‌رمیانه‌وه‌ دوو كه‌س له‌سه‌ر كوشتنی هاووڵاتیه‌كی ته‌مه‌ن 39 ساڵی شاری كه‌لار ده‌ستگیركران كه ‌یه‌كێكیان برازای كوژراوه‌كه‌یه‌."

گوتیشی: "پاش ئه‌نجامدانی لێكۆڵینه‌وه‌ له‌گه‌ڵ برازای كوژراوەکە، دانی بەوەدا نا کە ‌ به‌ هاوكاری هاورێیه‌كی مامی خۆی كوشتووه‌، ئێستا هەردووکیان به‌پێی مادده‌ی 405 به‌ندكراون و لێكۆلینه‌وه‌ له‌گه‌ڵیان به‌رده‌وامه‌".

دەرنگانی شەوی رابردوو له ‌نزیك قه‌ڵای شێروانه‌ له ‌شاری كه‌لار كه‌سێكی ته‌مه‌ن 39 ساڵ به‌ ناوی (رۆكان حه‌مید )، به‌ چەقۆ كوژرا.










باسنیوز