لە سنووری قەزای دووبزی سەر بە پارێزگای كەركووك، دەست بەسەر 19 بۆمبی چێندراوی داعشدا گیرا.


وەلید حەمدانی، گوتەبێژی قایمقامیەتی قەزای دووبز، ڕایگەیاند: "هێزەكانی پۆلیسی فیدراڵیی عێراق، لە گوندی (رەبیزە)ی سەر بە دووبز، دەستیان بەسەر 19 بۆمبی چێندراوی داعشدا گرتووە كە ئامادە كرابوون بهێنرێنە ناو شارەكان و بتەقێندرێنەوە، هەروەها دەستیان بەسەر ژێرزەمینێكی داعشدا گرتووە".


گوتیشی: "دواتر بۆمبە چێندراوەكان لەلایەن تیمەكانی ئەندازەی سەربازییەوە پووچەڵ كرانەوە و ژێر زەمینەكەش تێك دراوە".










باسنیوز