جۆتیارێن شنگال ژ ترسا سۆتنێ دەست ب دورینا دەخلۆدانێ خوە كرن
شەرەف نایف، رێڤەبەرێ هۆپا چاندنێ ل قەزا شنگال دیار كر كو: "جۆتیارێن شنگال دەست ب دورینا دەخلۆدانێ خوە كرن. نها جۆتیار یێ هەموو هەولدانان دكەن بەرێ بەرهەمێ وان بهێتە سۆتن بەرهەمێ خوە بدورن چونكو مەترسیەكا مەزن لسەر دەخلۆدانێ جۆتیاران هەیە. هەموو پێشبینی بۆ وێ چەندێ دچن ئەڤ سالە ژی حالەتێن سۆتنا دەخلۆدانێ رووبدەن ڤێجا جۆتیار ژی هێشتا بەرهەمێ وان نەهاتیە سۆتن یێ دەست ب دۆرینا گەنم و جەهێ خوە دكەن و جۆتیاران چوو جه ل مالێن خوە نینن دەخلۆدانێ خوە بكەنە تێدا چاڤەرێنە سایلۆ وەربگریت".
ئاشكەرا كر كو: "ئەڤ سالە پێشبینی دهێتە كرن بەرهەمێ دەخلۆدانی یێن جۆتیارێن شنگال بگەهتە زێدەتر ژ 35 هزار تەنان كو رووبەرێ پتر ژ 500 هزار دونمێن دەخلۆدانی یێن قەزا شنگال هاتینە چاندن".
باسنیوز
