لێپرسراوی ڕاگەیاندنی باخچەی ئاژەڵانی ھەولێر ئاشکرای کرد سبەی ھەینی گەورەترین باخچەی ئاژەڵان لەسەر ئاستی ڕۆژھەڵاتی ناوەڕاسات لە شاری ھەولێر دەکرێتەوە.

لەمبارەوە محەمەد عومەر، لێپرسراوی ڕاگەیاندنی باخچەی ئاژەڵانی ھەولێر ڕاگەیاند: "باخچەی ئاژەڵانی ھەولێر کە گەورەترین باخچەی ئاژەڵانە لەسەر ئاستی عێراق و ھەموو وڵاتانی ڕۆژەھەڵاتی ناوەڕاست و لەسەر ڕووبەری٢٠٠ دۆنم زەوی لە ڕۆژھەڵاتی شاری ھەولێر دروست کراو، بڕیارە سبەی هەینی 2020.5.15 بەڕووی ھاووڵاتیان و گەشتیاراندا بکرێتەوە".

گوتیشی: "ئەباخچەیە بە سەدان ئاژەڵ و باڵندەی جۆراوجۆر و ڕاھێندراوی تێدایە کە زۆربەیان ئازادن، واتە لەناو قەفەز و خانوودا نین و سەرنجڕاکێشن".

بە گوتەی محەمەد عومەر، بەھۆی ئەو باخچەیەوە ساڵانە بە ھەزاران گەشتیاری ناوخۆ و بیانی ڕوو لە ناوچە گەشتیارییەکانی سنووری شاری ھەولێر دەکەن و کەرتی گەشتوگوزار بووژانەوەی زیاتر بەخۆیەوە دەبینێت".










باسنيوز