تێمین ساخلەمیا دهۆكێ ژبەر رۆلێ وان دخزمەتكرنێ دا هاتنە خەلاتكرن
هەیسم عەبدی سلێمان، رێڤەبەرێ سەنتەرێ هەوارهاتنا بلەز 122 ل پارێزگەها دهۆكێ دیار كر كو: "ژبەر رولێ تیمێن هەوار هاتنا بلەز دڤێ رەوشێ دا و كاركرنا وان بێ راوەستیان بۆ خزمەتكرنا وەلاتیان بتایبەتی ژی هەر ژ رۆژا دەستپیكا پەیدابوونا ڤایرۆسێ كورۆنا ب شەڤ ورۆژ كاركرن بۆ بەرهەنگاریا ڤێ نەخۆشیێ لەورا ژی ئەڤرۆكە تیمێن هەوار هاتنا بلەز هاتنە خەلاتكرن ژلایێ رێڤەبەر یا بەرسڤدانا قەیرانا ل پارێزگەها دهۆكێ و كۆمەلا زەلال لایف یا خێرخوازی كو 200 پشكێن ئاهێن خوارنێ بۆ كارمەندان هاتینە دابینكرن. ئەڤە خەلاتا ژی بۆ جەژنا رەمەزانێ هاتیە دان ب ستافێ 122ێ یێ هەوار هاتنا بلەز پارێزگەها دهۆكێ".
خۆیا ژی كر كو: "ئەڤ خەلات بۆ هەموو تیمێن ساخلەمیێ یێن 122ێ هاتیە دابینكرن. ئەم هیڤیدارین رێكخراو زێدەتر هەڤكاریا 122ی بكەن بۆ هندێ ئەم ژی پتر خزمەتا خەلكێ خوە بكەین".
خانم مەنال، رێڤەبەرا بەرسڤدانا قەیرانان ل پارێزگەها دهۆكێ دیاركركو ئەڤرۆكە مە ب فەردیت سەرا تیمێن ساخلەمیێ یێن هەوار هاتنا بلەز 122ێ بدەن ل دهۆكێ و دەستخۆشی ل كار و خزمەتا وان بكەین و دیاریا بۆ جەژنا رەمەزانا پیرۆز بدەینە وان چونكو خزمەتەكا مەزن ل سنۆرێ دهۆكێ ئەنجام ددەن. بتایبەتی ژی دڤێ كاودانێ نها ئەم تێدا وبەرهەنگاریا نەخۆشیا كورۆنا كرینە، لەورا مە دیت وان خەلات بكەین".
باسنيوز
