بەڕێوبەری بەڕێوەبەرایەتیی بەرەنگاربوونەوەی توندوتیژیی ئافرەتان و خێزان - هەولێر ڕای دەگەیەنێت حاڵەتەكانی تۆماركردنی سكاڵای توندوتیژیی خێزانی بە بەراورد لەگەڵ مانگەكانی پێشتر كەمی كردووە، بۆیە لە مانگی چواردا لە پارێزگای هەولێر 110 سكاڵا تۆمار كراوە.

موقودەم فەرمان محەمەد، بەڕێوبەری بەڕێوەبەرایەتیی بەرەنگاربوونەوەی توندیژیی ئافرەتان و خێزان – هەولێر ڕايگەیاند: "حاڵەتەكانی تۆماركردنی توندتیژیی خێزانی لە ماوەی مانگێكدا لە سنووری هەر پێنج نووسینگەی بەرێوبەراتییەكانی توندوتیژی خێزانی لە پارێزگای هەولێر بۆ مانگی چوار، 110 سكاڵای توندتیژی تۆمار كراوە و دەریدەخات بە بەراورد لەگەڵ مانگەكانی پێشتر، رێژەكە كەمی كردووە".

موقودەم فەرمان محەمەد، ڕاشی گەیاند: "هەر لەو مانگەدا دوو حاڵەتی سووتاندن هەبووە، یەكێان خۆسووتاندن بووە ئەوەی تریش سووتانی قەزا و قەدەرە، بەڵام كە ڕێژەی سووتانەكەیان كەم بووە، هەردوو كەسە لە ژیاندا ماون".










باسنيوز