ل ناحیا سنوونێ بارانبارینێ شەش هزار دونمێن دەخلۆدانی خراب دكەت
بەرەكات عیسا، رێڤەبەرێ چاندنێ ل ناحیا سنوونێ سەر قەزا شنگال ڤە دیار كر كو: "ئەڤ سالە هێشتا وەرزێ دورینێ دەستپێكرنەكر، زیان گەهشتیە زێدەتر ژ 100 جۆتیارێن ناحیا سنوونێ كو ئەو بارانێن ڤێ دووماهیێ یێن بهێز ل سنوونێ هاتین، بووینە ئەگەر زێدەتر ژ شەش هزار دونمێن دەخلۆدانی بتایبەتی دەرامەتێ جەهێ خراب ببن. نها جۆتیار نەشێن وێ بەرهەمێ خوە بدورێن ئەو بەرهەم هەموو هاتنە ژناڤبرن چونكو هاتبوو پووچكرن. جۆتیاران نەشیان مفایێ ژ بەرهەمێ دەخلۆدانی وەربگرن. مە ناڤێ هەموو جۆتیاران بۆ قەرەبووكرنێ رەوانەی مووسل كریە".
خۆیا ژی كر كو: "سالا بۆریدا ل سنوونێ پتر ژ دوو هزار دونمێن دەخلۆدانێ جۆتیاران هاتنە سۆتن هەتا نۆكە ژی جۆتیار نەهاتینە قەرەبوو كرن. ئەڤ سالە ژی سۆتنا دەخلۆدانی یا پیشبینی كریە و زۆر مەترسی ل سەر دەخلۆدانێ سنوونێ یە".
باسنيوز
