له‌ سلێمانى مەفرەزەكانی بنكەی پۆلیسی سەرا تۆمەتبارێكیان دەستگیر كرد، كە لە چەند بنكەیەكی سەر بەبەڕێوەبەرایەتیی پۆلیسی پارێزگای سلێمانییه‌وه‌ فەرمانی دەستگیركردنی هەبووە.

ئه‌مڕۆ چوارشه‌ممه‌ 13/5/2020، به‌ڕێوه‌به‌رایه‌تیی پۆلیسى سلێمانى ڕاگه‌یاندراوێكى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "دوای كۆكردنەوەی زانیاری و دیاریكردنی شوێنی تۆمەتبار، كاتژمێر 7 و 30 ئێواره‌ى شەوی 10/5/2020، مەفرەزەكانی بنكەی پۆلیسی سەرا تۆمەتبارێكیان دەستگیر كرد، كە لە چەند بنكەیەك فەرمانی دەستگیركردنی هەبووە و لەكاتی دەستگیركردنیشیدا ڕووبەڕووی هێزەكانی پۆلیس ببووه‌وه‌ و تەقەی كردبوو".

ئه‌وه‌ش خراوه‌ته‌ ڕوو: "تۆمەتبار (ه، م، ع) لەدایكبووی 1992ی دانیشتووى سلێمانییه‌، كە لە چەند بنكەیەك داوا كراوە و پێشتریش تەقەی لە مەفرەزەیەكی بنكەی پۆلیسی ئیبراهیم ئەحمەد كردبوو لەكاتی چوونیان بۆ دەستگیركردنی، بەبڕیاری دادوەر و بەپێی ماددەی (405 - 31 ، 229 و 430) كە برینداركردن و سەرانەوەرگرتن و هەڕەشەكردنە لە هاووڵاتییان ڕاگیراوە، لێكۆڵینەوە لەگەڵیدا بەردەوامە".











باسنيوز