لە بیستوحەفتەمین ساڵیادی دامەزراندنی بنکەی لالشی ئێزدییان، مەسرور بارزانی، سەرۆکوەزیرانی هەرێمی کوردستان پەیامێکی پیرۆزبایی ئاراستەی سەرۆک و ئەندامانی بنکەکە دەکات.

لە بەشێکی پەیامەکەدا هاتووە"بنگەهێ لالش دیرۆکەکا بەرچاڤ هەیە د خزمەتکرنا کەلتوورێ کوردی و نەمازە پاراستنا کەلتوور و نەریتێن جڤاکی و چاندا ئێزدییان. دەستخوەشیێ و پشتەڤانیێ ل بزاڤ و ماندیبوونا بنگەهی دکەم و هیڤییا بەردەوامیێ و پێشکەڤتنێ بۆ هەوە دخوازم".


ئەمەی خوارەوە دەقی پەیامەکەیە:-



پەیاما پیرۆزباهییا سەرۆکێ حکومەتا هەرێما کوردستانێ ب هەلکەفتا ساڵڤەگەڕا دامەزراندنا بنگەهێ لالش

ب هەلکەفتا بیست و حەفتەمین ساڵڤەگەڕا ئاڤاکرنا بنگەهێ لالش یێ چاندی و جڤاکی، پیرۆزباهیێ ل سەرۆک و ئەندامێن بنگەهی و تەڤایا خوشک و برایێن ئێزیدی دکەم. هیڤیدارم هەرتم د کار و چالاکیێن خوە دا د سەرکەفتی بن.
بنگەهێ لالش دیرۆکەکا بەرچاڤ هەیە د خزمەتکرنا کەلتوورێ کوردی و نەمازە پاراستنا کەلتوور و نەریتێن جڤاکی و چاندا ئێزدییان. دەستخوەشیێ و پشتەڤانیێ ل بزاڤ و ماندیبوونا بنگەهی دکەم و هیڤییا بەردەوامیێ و پێشکەڤتنێ بۆ هەوە دخوازم.

مەسرور بارزانی
سەرۆکێ حکومەتا هەرێما کوردستانێ
2020/5/12










باسنيوز