ئه‌ندامێكی پێشووی سه‌ركردایه‌تیی یه‌كێتیی نیشتیمانیی كوردستان کە یەکێکە لە سەرکردە ناڕازییەکانی ئێستای حزبەکە، رای گەیاند ”حزب بە فەیسبووک بەڕێوە ناچێت“ و بە پێویستی دەزانێت، حزبەکەی لەگەڵ پارتی دیموکراتی کوردستان بگەن بە ڕێککەوتن.

عوسمانی بانیمارانی، لە لێدوانێکیدا، باسی لە دۆخی ئێستای پەیوەندیی نێوان پارتی و یەکێتی کرد و ڕای گەیاند: ”ئەو دوو حزبە دەبێت بگەنە ڕێککەوتن، چونکە دوو حزبی خاوه‌ن پێگه‌ و هێزن، عه‌یبه‌ له ‌نێوان دوو حزبدا دۆخەکە به‌م شێوه‌ی لێبكرێت“.

ئەوەشی نەشاردەوە کە هەردوو لایەنە دەگەنە ڕێککەوتن و هەنگاوی باش لە بەرژەوەندیی گەلی کوردستان دەندرێت.

لە بەشێکی دیکەی قسەکانیدا عوسمان بانیمارانی باسی لەوانە کرد کە هانی توندکردنی ناکۆکییەکان دەدەن و گوتی: ”ئەو قسە و قسەڵۆکەی لە فەیسبووک دەکرێت و پارەشیان بۆ خەرج دەکرێت، گوێی پێ نەدرێت باشە، بەداخەوە حزب بە فەیسبووک و پارەتێخستنی بەڕێوە ناچێت، زۆرمان لەم بابەتانە بینی و دەرئەنجامەکەشی هیچ نەبوو“.










باسنیوز