بەڕێوەبەری فەرمانگەی ژینگەی ڕاپەڕین ڕای گەیاند دوای بەدوداچوونمان بۆمان دەرکەوت کە ژمارەیەکی زۆری باڵندەی ڕەنگاڵە (هەنگەچنە، کەنەسمە) لەلایەن ھەندێ کەسەوە لەناو براون بۆ ئەو مەبەستە بڕیاری پێویستمان داوە.

حەمەشوان حەمە کەریم، بەڕێوەبەری فەرمانگەی ژینگەی ڕاپەڕین ڕایگەیاند: "دوای بڵاوبوونەوەی ھەواڵی لەناوبردن و دەرمانخواردکردنی جۆرە باڵندەیەک بەناوی ڕەنگاڵە (هەنگەچنە، کەنەسمە) کە لەچەند شوێنێکی نزیک شاری ڕانیە لەلایەن چەند کەسێکەوە ئەو کارە کراوە، لەگەڵ پۆلیسی دارستان و ژینگەی ڕاپەڕین سەردانی ئەو شوێنانەمان کرد".

گوتیشی: "لەمیانەی بەدواداچوونەکەدا بۆمان دەرکەوت کە ژمارەیەکی زۆر لەو جۆرە باڵندەیە لەناو براون، بۆیە بڕیارمان دا بەدوای سەرپێچیکاراندا بچین و بە توندرین شێوە سزایان بدەین".

داواشی لە ھاووڵاتییان کرد لە ھەر شوێنێک دیاردەیەکی دیکەی لەو شێوەیان دیت، ئاگاداریان بکەنەوە بۆ ئەوەی ڕێوشوێنی پێیویست بگرنە بەر.













باسنیوز